البلطى و ما أدراك ما البلطى
ويبدأ صيد البلطى من ابريل حتى نهاية اكتوبر
1 - العدة المطلوبه للبلطى
2 - كيفية صيد البلطى بمختلف الطرق
3 - الطعوم المطلوبه لمختلف طرق الصيد
4 - الصيد فى المياه الساكنه والمياه الجاريه
5 - طريقة عمل عجينة العيش البلدى المستوى
6 - طريقة عجين الدقيق المستويه
.......................................................................................................
تلاجه او ايز بوكس او نقيصه للى يحب النقايص
جوانتى للحمايه من اشعة الشمس وشوك السمك
قص اطرافه وسرفلها يعنى خيط مكان القص علشان مايكرش
راديو للترفيه او سماع القران
بوص 3 و 4 و 5 و 6 متر.................وده حسب المكان اللى حترمى فيه....
فل حمص وبليه واكبر شويه مقاسات مختلفه
رصاص شريط بالمتر ورصاص حمص اوزان حسب وزن الفل
سنار 9 كفته وكرش و لطش لميع وممكن عسلى
سنار 8 كفته وكرش و لطش لميع وممكن عسلى
سنار 7 كفته وكرش و لطش لميع وممكن عسلى
سنار 6 كفته وكرش و لطش لميع وممكن عسلى
سنار 5 كفته وكرش و لطش لميع وممكن عسلى
شعر 10 و 12 و 15 و 18 و 20 و 25 و 30 و 35 و 40 و 45 ملم
اى نوع كله شغال والانواع الاغلى سعرا احسن جوده
مداور صغيره ووسط ومداور بمشبك
بنز ببوز مهم جدا وينفع فى نسليك السن عند بلع السمكه له
اعمل ثلج فى ثلاجة المنزل فى الفريزر قبل بوم الصيد بعدة ايام
وممكن تحط ملح فى الميه وبعد ماتبقى تلج لفه فى ورق جرايد
وانت رايح تصطاد.....حيقعد معاك طول النهار وداريه من الشمس
.......................................................................................................
كيفية صيده بمختلف الطرق :
وهى الطريقه المتبعه للرمى بواسطه البرغوت سواء كان ملقوف او مشترى
او بالطعم دود الطين او دود السبله .
وهى لاتنفع إلا بنزول الماء فى اماكن مختاره من الترع على الجروف
وعمل مربع او مثلث من الحجنه او البردى او البوص ورمى النسيله
( النجيله الطويله الناعمه ) داخلها ولقف برغوت من نفس الترعه
والمحافظه عليه وبعد ماتفطر وتشرب شابك تلاقى النسيله دى
بتتسحب على تحت ( السمك بيشدها علشان ياكلها ) تعال بالراحه
وانت مستخبى ماتبينش نفسك للسمك وارمى بحتة شعر قصبره متر مثلا
فى بوز البوصه وسن 5 بكرش وفيها البرغوت الحى ونرل بالراحه فى وسط
النسيله.........تلاقى البوصه اتخطفت منك
....وشد ياعم السمك الكيلوات والانصص واكبر مافيش اربع كله وزن عالى
وقد تكلمنا على الغله سابقا
ولكن نبينه برضك مافيش مانع
التعريف: القمح البلدي ويستحن من النوع ذو الحبه الكبيره وان يكون كامل ( يعنى بقشرة ) مش بتاع البليلة لان القمح بدون قشرة لا يصلح ابدا انواع السمك : البلطي اوقات الصيد : من اول الظهر اشتغل بالغلة وطبعا لازم يكون دور غلة والسمك متعود عليها وتزفر قبل ما ترمى بوقت كافىالغله ليها صيد بالليل بس يكون فى مكان ضارب فيه كشافات نور لان السمك بيجي عليها عن طريق الرؤيه مش الريحه ودي بتكون ضعيفة
/10/5/6/7/8/9
اولا تحضير القمح ودة لية اكثر من طريقة هعرفهم كلهم ان شاء اللة
الطريقه الاولى
نصف كيلو غله ( قمح ) يتم غسله بالماء جيدا حتى ينظف من الاتربه تماما وبعد ذالك يتم وضعه فى اناء به ماء ويتم غليها على النار مع التقليب من وقت الى اخر حتى نضوج حبه الغلة , وتترك فى الاناء مغطاه لمده مناسبه حتى انتفاخ حبه الغله حوالى ربع ساعه , ولا تتركها لدرجه انها تتفتح او يتم نضوجها الكامل وذالك حتى تستطيع ان تضعها فى الصنارة , وبعد ذالك تغسل بالماء البارد ثم تصفيتها من الماء ويتم تقسيمها على اكياس وتوضع فى الثلاجه وتكون معده للصيد , ملحوظه عند غسيل الغلة قبل عملية الانضاج (التسوية ) وانت تقوم بعملية الغسيل استبعد الحبوب التى تكون على سطح الماء .
الطريقه الثانية
نقوم بغلى الماء جيدا ونصبه على الغله (القمح) المراد تجهيزها ثم نغطيها و نتركها مدة حتى تبرد المياة وتشوف الحبه نضجت ولا لا لو لم تنضج جيدا قم بتسخين كمية من الماء ثم نقوم باستبدال الماء القديم بالماء المسخن حديثا .
بعد ذالك تاكد من نضوجها جيدا بس بشرط انها تكون حبة الغلة منتفخة فقط و لم تتفح كاملا ثم تقوم بتغير الماء و تقوم بوضع الغلة فى طبق كبير تحت الفريزر بحيث ان تكون المياة الموضوعة فيها الغلة اعلى من مستوى الغلة فى الاناء اى ان تغطى المياة كل الغلة وتتركها عدة ايام و لاكن لاتنسى ان تقوم بتغير الماء كل يوم.
كل فترة امسك حبة غلة واحدة واضغط عليها بين اصابعك اذا اخرجت الحبة محتويتها بسهولة فهذة علامة على انها جاهزة للاستخدام كطعم واذ كانت الحبة ما ذالت بها بعض من الصلابة اترك القمح فى الماء مدة اخرى الى ان تتاكد انها اصبحت جاهزة لاستخدام فى الصيد , و بعد ذلك انشر القمح على ورقة جرايد (صحف) و بهذا تكون جاهزة للاستخدام
الطريقه الثالثة (طريقه التخمير بماء بارد)
و ذالك بان تضع القمح (الغلة) فى ماء بارد بدون ان تقوم بتسخين او غلى الماء و ذالك لمدة مابين 5-6 ايام و بعد ذالك يمكنك استخدام القمح المخمر وللحفاظ على رائحة القمح النفاذة يتم وضعة فى كيس من القماش .
الطريقه الرابعه ( التخمير فى ماء ساخن)
يمكن تخمير القمح فى ماء مغلى بعد غسلة مباشرة وتغطية الاناء ثم بعد ساعتين يعاد نفس الموضوع مرة اخرى وبعد ساعتان يغلى القمح على نار هادئة وتلاحظ باستمرار واول ما تفتح اى حبة قمح اطفى النار وارفع القمح بواسطة مصفى وضعة على ورق جرايد (صحف)
اماكن الصيد : من على الشاطيء ولازم يكون الدور ميتة هادية يعنى مش حامية يعنى الغله عايزه دور مياة ضحله الى حد ما يعنى الاقضل ان تكون ترعه صغيره والارضيه طينيه ومافيش حجارة عشان تسهيل الرؤيه للسمك او وسط ورد النيل والجميل ان تكون ادوار الغله اللى بيتغسل فيها غله زى ترعه الجيزاويه و بحر يوسف و بعض الترع الصغيرة و طبعا ده فى و قت غسيل الغله يعنى بعد الحصاد بالتحديد فى اخر الصيف يعنى اغسطس و سبتمبر ويفضل الدور ان يكون مافيهوش عمق وده علي فكرة مثالي في الغلة
تجهيز الدور: اولاً تجهيز الدور عن طريق عمل أكثر من مراية يعني أعمل خمس مرايات والتنقل بينهم طول اليوم والدور الى يشتغل معاك ماتسبوش ولعمل المرايه عن طريق رش كبشتين من الغلة علي ارضية الدور بحيث تكون نصفها في الماء والنصف الاخر علي البر على مسطح طين " ارضيه طينيه " على حرف المياة وبنظفر في دايرة كبيرة 5 متر اثناء التجهيز وعند انتهاء التجهيز وبدء الصيد صغر دايرة الظفر تحت رجلك 4 او 5 حبات والمرايه تعنى مياه صافيه جدا علشان السمك هياكل على الشوف مش الشم ولو المياة مش رايقة دور على ليخة (نبات مائي) او ورد النيل و قم بتنظيفه من المنتصف بحيث تكون ارضيته مكشوفه و لما الماية تروق قم برش الغلة لتحضير
ملحوظة" الغلة المستخدمة للتزفير نص سوا " علشان السمكة ما يعرفش ياكلها ويدخل على الحباية المستويه على السن
طيب انا قلت انى لازم يكون دور غلة لو انتا عايز الدور الى بتعد فية يكون دور غلة هتعمل ئية انا اقلك
ولتجهيز دور دائم للغله نتبع ما يلي : ويكون ذلك بمتابعته والقاء بعض القمح به كل يوم لمدة ويفضل فى الميعاد المفضل لك ان تصطاد فية بعد ذلك لكي يتعود السمك على الاكل في هذا التوقيتوعلي فكرة هذا الاعداد وان بدا للبعض عمل ممل الا انه ممكن يخللي لك الدور شغال طول الموسم لان السمكة بتتعود علي اكل الغلة لو كان سكنك بعيد عن الدور تشترى 2 كيلو قمح تستبعد نصف كيلو فى كيس ترفع الباقى على النار بعد 10 دقائق انشل ثلث الكمية التى على النار وضعها فى الكيس السابق بعد5 دقائق اخرى انشل الثلث الثانى من على النار وضيفة الى الكيس السابق بعد 5 دقائق اخرى انشل باقى الغلة من على النار وضفهم الى نفس الكيس ثم القى بكل الكمية فى الدور مرة واحدة وبعد اربعة ايام جربلان السمكة هتاكل فى اول يوم الحباية المستوية وتسيب الباقي وتستمر علي ذلك كل يومويبئى وفرت مرواحك للدور اكثر من يوم
ملاحظه هامه ان لا تترك السناره فى الماء مده طويله بدون تحريك (حرك كل شويه ) يعنى ارمى جوه واسحب عليك ناحيه الغله الموضوعه قريب
-يجب الجلوس متخفيا يعنى ابعد ما تستطيع عن الدور يعنى يا دوب تبقى شايف الغماز يعني خيالك ميكنش في الميه علشان السمك فى الغالب بيطلع على الجسر علشان ينقى الغله الموجوده والمفروض انه موش يشوفك علشان ما يخافش ويهرب من الدور. وممكن إنك ترمي بجانب الزرع الي نازل في الميه عشلان بيكون في تجمع سمك كتير
والشعر 20 ملم وفوق 25 ملم وفله حمص صغيره جدا والساق ضيقه شبر ونص وشبرين
...................................................................................................
الطعوم المطلوبه لمختلف الطرق :
.......................................................................................................
طريقة عمل عجين العيش البلدى المستوى
تبل العيش فى ميه مع تصفيته بسرعه .
ابتدى تعجنه مع إضافة الماء بحذر قليل قليل .
لغايه العجينه ما تتجانس وصوابعك وانت بتعجن تغرز فيها بسهوله .
كورها كور واعجن كل كوره لوحدها وبعدين اعجنهم فى بعض .
.....................................................................................................
طريقة عجين الدقيق المستويه
انك تمسح طاسه بالزيت وتصب فيها العجين وتوطى مفتاح البنوجاز
بإدارته عكس التوطيه يعنى تلف لليمين حتى تحصل على اقل بصيص من النار
وتحط الطاسه ولما تصفر حروف العجين اقلبها على الوش التانى وتغرز بعد
قليل شوكه لو طلعت من العجين نظيفه يبقى العجين استوى تطفى النار
و تسيبها تبرد ولو طلع فى الشوكه عجين سيبها على النار شويه .
إترك العجينه تبرد تماما قبل لفها اأو وضعها فى كيس .
اللى عاوز يضيف حاجه يضيفها مايسألنيش
شبه او زيت او سكر او توم او اى حاجه يضيفها.............هو حر .
انا شخصيا لا أستخدم شيئا الدقيق والماء فقط .
.....................................................................................................
المياه الساكنه والمياه الجاريه :
المياه الساكنه او اللى بتجرى ببطء
بتصطاد وانت فى مكانك جنب الهيش او البوص او الحجنه بس اوعى توعر
محتاجه انك تمشى مع المياه وعايزه مجهود شويه
.......................................................................................................
ما عدا صيد الغله فقط منقول لكثرة كلماته
مصطفى نفادى
طريقة الصيد بالغلة
كاتب المقال
جروب محبي الصيد بالأسكندرية
بسم الله الرحمن الرحيم
انشاء الله النهاردة هنتكلم عن الصيد بالغله وبأختصار لان كتير من الاخوة الأعضاء اتكلموا فى الموضوع دة والكلام متشابه بس كل واحد منننا بيحط التوابل بتعته الخاصه بيه وهو كله معلومات فى صالح الصياد ولا نقلل مما جاء من مقالات هامه ومفيدة جاءت فى هذا السياق
صيد الاسماك النيليه بالغله( البلطى)
$$$$$$$$$$$$$$$$$$$$$4$$$$$$
* كبدايه البلطى موسمه من شهر 6 بعد بخ البيض الى اخر 10 ويستمر فى تراجع لحد الميه متسقع وبعدين يبتدى يصحن ( حفره داخل ارض الترعه)
*الغله علشان نبقا عرفين الى هى القمح او حبات البليله بس قبل طهيها
* يشترط في حبايه الغله انها تكون بقشرها
* يوجد طرقتين لتجهيز الغله وهى اما بقليها وتكون نص سوا او نقغها في الميه لحد متطرى ومش هنتكلم ازاى نحضرها الحاج نفادى تكرم سابقا وشرحها بأستفاضه يشكر عليها
# تجهيز الدور
$$$$$$$$$$$$$$$$$$$
طبعا احنا مش بنجهز دور واحد لا احنا بنجهز عدة ادوار علشان لما الدوراللى انت قاعد عليه السمكه تمنع معاك تروح دور تانى يكون جاهز للصيد طيب هتقولى ازاى اقولك حضرتك بتاخد شويه من الغله وبترشهم تحتك بالعرض مع رش شويه غله بسيطه جوة شويه علشان تسحب السمكه حلو كدة لا لسه حضرتك السمكه بتيجى على العكرهو الزفر ههتقولى يعنى ايه مش فاهم هقولك يعمى لازم تفتح نفس السمكه وتثرها ودة انا بعمله ان اجيب كوسب بتاع ارانب وخميره بيره وافركهم مع شويه الغله اللى هزفر بيهم الغله بتكون مبلوله ولما الكسب بيشم الميه بتاعه الغله بيفك ويبقى زى البودره وهنا بقا السر لما بتيجى تزفر الكوسب بعمل عكره جمدة والخميره لما بتدوب هى كمان بتزود العكره ودة بيخلى السمكه تتجن وتيجى على الطعم كدة خلاص حضرنا الدور وزفرنا ومننساس نظفر عدة ادوار
# نيجى بقا لطريقه الصيد
$$$$$$$$$$$$$$$$$$$$$$$$$$
طبعا هنشوك الغليه في السلاح مكان انباتها وانا عن نفسى بحترم الشعر يكون 25 والقرمه 20 والسلاح زيرو واصغر نوع غماز تلاقيه ودة ميمنعش ان ممكن تستخدم اى رقم سلاح تانى يعجبك وانا بحترم البوص الباميو وميكنش طويل يعنى 2 متر وميكنش فيه لبلوب يعنى لو معندكش بامبو اقولك استخدم بوصه التسقيط احسن من الفيبرمعلش كل واحد زى مقلنا في الاول وليه لمساته وتوابله وبرضك لا يمنع استخدام البوصه الفبر بس انصح تشيل العقله اللى اللبلوب فيها حلو كدة يلا بينا نسمى بسم الله ونرمى بس مش تحتنا لا هنرمى على اخر طول البوصه ونسحب على بره من غير متطلع الفله بره الميه لحد منتا عامل المرايه ومتكونش باين للسمكه لان السمكه بتشوف كويس وكمان بتميز الالوان انشاء الله هتلاقى الفله مشيه على جوة السمكه الكبيرهبتاخد السلاح على جوة والصغيره تسحب السلاح على بره المهم سيادتكم البلطى مش بيخطف الفله على تحت للاد ة بيسحبها وبعدين يخدها على تحت هنا بتشكم بس على فوق يالمعلم مش زى صيد البحر يعنى بنشكم ونحدف على ورا وزى مقولنا قبل كدة تشكم وتسحب وتطلع السمكه بأيد وحدة يابطل علشان سمكه الغله عافيه وبتصرخ فلازم تاخد وتدى معاها علشان متروحش منك نيجى بقا لنقطه هامه جدا وخد بالك منها لو السمكه اكلت حته من الغلايه علطول ترميها وتركب واحد تانيه مكنها السمكه مش هتخش على غلايه متاكل منها خلااص متفقين كدة وعلى فكره محدش يقولى اصطاد بالغله بالليل لازم صياد الغله يكون صبور لان سمكه الغله سمكه كبيره مش بتخش الا لما الميه تدفى وشىء تانى السلفر لو موجود هيضرب معاك على الغله بس خد بالك لانها سمكه عافيه اوى وبتصرخ على وش الميه عكس منتا قاعد
