طريقة عجينة الصيد ( بوري بطاطا )
عجينة الصيد لعدة انواع من الأسماك وطريقة عملها بطريقة محترفة على يد صيادين خبراء في صيد البحر والماء العاذب ونشكر لهم عطاياهم وهذه المعلومات وبناء على خبرتهم هي كالأتي :
Moustafa Nafady
عجينة البطاطا
- عجين دقيق نى طرى .
- عجين دقيق نى ناشف .
- عجين دقيق مستوى طرى .
- عجين دقيق مستوى ناشف .
- عجين عيش فرن مستوى .
- عجينة زفره مخلوطه.
- عجينه بخضرة البحر المفرومه .
- عجينه بالبرغوت المفروم .
طرق العجن : -
طريقة عجن العيش البلدى المستوى
للصيده فى يوم كامل 5 ارغفه كفايه
تجيب العيش وتفصل وشه عن ظهره وانت ماسكه بل كل نص رغيف تحت
الحنفيه من الناحيتين وصفيه كويس وحطه فى الاناء اللى حتعجن فيه
وكل الانصص للعيش كذلك وبعد ساعه ابتدى تقركه وتقطعه حتت واعجنه
بماء قليل جدا وافضل اعجن لغايه ما تلاقى صوابعك بتغرز فيه بسهوله
وتبقى عجينه متماسكه لا طريه ولا ناشفه ...ولما تخلص اعجنها قبلها
مثلا عصر اليوم اللى قبل يوم الصيد....جطها فى كيس وشلها بره التلاجه
إعلاناتإعلانات
إعلاناتإعلانات
ماتحطهاش فى التلاجه علشان حتسقع وتعرق وتلزق .
اما العجينه البارده للدقيق فمعروفه دقيق وميه وتعجن وتزود دقيق زى مانت
عاوز لغاية العجين مايبقى مناسب وحلو ولو عجين بورى بتعجنها وتخليها
طريه زى الشحم وبتطعم بلفها بلسانك وخد بالك علشان السنار مايعوركش .
وعجينة الدقيق المستويه
بتخلط الدقيق بالماء وتخللى العجينه فى سمك الطحينه او العسل الثقيل
وتجيب طاسه وتمسحها بالزيت وتصب فيها العجين و توطى البتوجاز على
الاخر يعنى تلف مفتاح البتوجاز بعد اشعاله على اليمين بشويش لعاية ما
يديك اقل نار بصيص من النار وتحط الطاسه عليه ولما تصفر حروف العجين
بسكينة معجون اقلبها غلى الوش التانى وبعد قليل جدا امسك شوكه
واغرزها فى العجين لو طلعت فيها عجين ابيض سيب العجين شويه كمان
ولو الشوكه طلعت نظيفه اطفى النار وارفع الطاسه من على النار ولما
العجين يبرد اعجنه فى بعض وحطه فى خرقه وشيله برضك بره التلاجه
لغاية ماتاخده للصيد .
عجينة صيد البوري
أنواع العجين للبورى
1 -- عجين صعيدى نى
2 -- عجين طرى زى المرهم و الشحم مستوى
3 -- عجين لبابة العيش الفينو
4 -- عجين عيش بلدى للربع ( البالون )
5 -- عجينة خاصة بى فقط..........طرية
أنواع العجين
1 -- العجين النى الصعيدى
خلط الدقيق بالماء جيدا وتقلب وتزود دقيق او ماء لغاية ماتبقى زى الشحم
وتحطها فى علبه وخدها معاك وبعد ماتطلع العجينه للصيد هناك على الميه
لفها على صوبعك السبابه الشمال وتاخد منها بالسناره وتلفها غلى السناره
بلسانك وكن حذر لتعور نفسك وارمى بالراحه علشان العجينه ماتقعش
والبورى مايخافش ولما تطلع بورايه سايسها وطلعها
واوعى تقع منك على وش الميه حاتطفش اخواتها وتفعد مده تظفر وتجمع
السمك تانى
....................................................
2 -- عجين طرى مستوى
طريقة العجين للبورى المطبوخه
تخلط الدقيق بالماء و ممكن قليل من السكر إن لزم الأمر وممكن لأ
خلى العجينه زى الطحينه السايبه
طاسه كبيره ممسوحه بالزيت
صب العجينه ووطى البتوجاز جدا بصيص من النار
وطى مفتاح البنوجاز فى إتجاه اليمين للتحكم فى كمية النار المطلوبة
لما تصفر حروف العجينه إقلب العجينة على الوش التانى لإستكمال التسوية
إغزز شوكه أو ملعقة فى العجين لو طلعت نظيفه يبقى العجينه إستوت
سيب العجينة فى الطاسه لما تبرد خالص
بل ايديك الاتنين و إعجن عدة مرات لغاية ما تلاقى العجينة بقت
زى المرهم أو الشحم
حطها فى كيسه و إمنع الهواء عنه و إقفل الكيسه
.............................................
3 -- عجن لبابة العيش الفينو
تنزع لبابة العيش الفينو و يكون طازه
تجمع و تنسم بقليل جدا من الماء
تبقى عجينه طريه ممكن لفها بالصوابع
بس كده
4 -- عجسنة العيش البلدى
هات 5 عيش من الفرن و افصل وشه عن ظهره وبيته فى كيس بره التلاحه
بل العيش وانت ماسكه تحت الحنفيه وصفيه طبعا بله من الناحيتين وش وظهر
وصفيه كويس وضعه فى اناء العجن واعمل كده فى كل العيش وسيبه
ساعة وارحع افركه واعجنه فى بعض لو ناشفه العجينه نسمها بقليل من الماء
لغايه ماتلاقى العجينه متجانسه ومتماسكه وصوابعك بتغرز فيها بسهولة
اخدم العجين كويس وانت بتعجنه....ولما تخلص حطه فى كيس بره التلاحه
بلاش تجطه فى التلاجه علشان مايعرقش ويلزق
ممكن تعمل العجين عصر اليوم اللى قبل الصيد
............................................
5 -- عجينة خاصة بى فقط..........طرية
تجيب رغيف فينو طازه بايت مش مهم
تبوشه بميه و تصفيه و تضربه فى الخلاط
إخلطه بدقيق و شوية سكر و ماء
غاية مايبقى زى الشحم
خده و إصطاد بيه و لا تنسى الدعاء لى
..............................................
طرق التزفير فى البحر و العذب ترع و بحيرات لصيد البوصه اليد
طريقة التظفير بالعيش
طبعا معاك وعاء تحط فيه مية بحر وبعدين تحط العيش الناشف بتاع التظفير
ولما يبوش العيش عندنا 3 حاجات نراعيها عند التظفير
سرعة جريان المياه
عمق المياه
خط سبر المياه
طيب انا عوز الظفر ينزل تحت المرمى بتاعى......اعمل ايه
اخد شوية عيش صغيرين واضغظهم واصفى منهم الميه بايدى
وبعدين افركهم كويس واكورهم واضغطهم جامد وارميهم على قرب منى
واراقب العيش وهو نازل سرعة نزوله واتجاه سيره بعد متر تقريبا واعمل
حساب العمق اللى انا واقف عليه على هذا الاساس
.
طيب واحد حيسالنى اقيس الميه ازاى......اقوله .......حط رصاصه تقيله
فى شعر فى البوصه وفيس الميه بيها .
طيب انا عملت كده وقست الميه وعملت حساب جريان الميه واتجاهها
وعمقها اعمل ايه بعدها
ابتدى ظفر كل شويه ايدك ماتنشفش من الميه وارمى بالبوصه بالعجين
لغاية البورى ماياكل معاك بطل ظفر وكل ماتطلع السناره سواء ببورى
او فاضيه .....كورة ظفر صغيره فى الميه قد كورة البنج بونج
................................................
ملحوظه هامه
الفله ممكن ترمش أو ترعش أو تغطس
خليك معاها فى كل الأحوال و خليك سريع فى الرد
لما ترمى لاحظ إنك بترمى بعجين طرى
علشان مايقعش و أنت بترمى
نزل العجين بالراحهة بشويش كأنك بتحسس على الميه
و بغد الرمى ماتحركش الفله خالص لغاية ماتغمز معاك
و أنت طالع إنطر العجين المتبقى فى السنارة يكون ظفر لك
...............................................
و بكده عطيتكم كل اللى عندى عن البورى
......................................................
ملحوظة أخرى
تزفير المزارع خفيف خفيف
العيار 80 سم بالكتير
.........................................................
منقول
صياد
مصطفى نفادى
طرق مختلفة للعجين
Tec Mohamed Ahmed
طريقة عمل العجينة بجميع انواعها للصيد
الطريقه الاولى : عجينه ع البارد لينة
مكوناتها : 1 كوب دقيق - 1ملعقه من الزيت - 1ملعقة من السكرتحضير عجينة الصيد :
نمزج السكر بالدقيق أولا وحدهم ثم يضاف الزيت ثم يتم زيادة الخليط بالماء تزود شويه وتعجن ولو محتاج زود بس حبه حبه حتي تصبح عجينه متجانسة , و تكون جاهزة وتستدل علي ذلك بانه عند مسكها لا تعلق بالاصابع .
العجينة الثانية : العجينه المستويه ( تطبخ )
مكوناتها : 1 كوب من الدقيق - 2 ملعقة من النشا - 1ملعقة من الزيت - 1 ملعقه سكر
تحضير عجينة الصيد :
يتم خلط النشا و السكر و الدقيق ويتم التقليب ثم إضافة الزيت للحصول علي عجينه سائلة ثم ترفع علي نار هادئة مع التقليب المستمر حتي تصبح غليظه القوام و اذا كانت العجينة لازالت سائلة اضف كمية اخرى من الدقيق ( كميات صغيره ) الى ان تصبح غليظة القوام .
العجينة الثالثة : عجينه مطبوخة
مكوناتها : 1 كوب دقيق - كوب الا ربع ماء - ثلاث ملاعق زيت - ملعقة سكر
تحضير عجينة الصيد :
يتم وضع المياه مضاف إليها الزيت على نار متوسطه حتى تبدأ فى السخونة وليس الغليان … بمعنى أول ما تلمح المياه هتبدأ تسخن ويظهر على وش المياه فقاقيع هنضيف عليهم الدقيق و ملعقة السكر .
وتقوم بالتقليب المستمر حتى تماسك العجينة ويمكن إبعاد القدر عن النار لحظة لحين تماسكها وترجعها تانى على النار وتتحسسها بإيدك عشان تعرف انها اصبحت جاهزة .
لا تقوم بتعبئتها فى اى علبة الا بعد ان تبرد تماما اى بعد 2 – 4 ساعات .
العجينة الرابعة : العجينه القطنية
أفضل ميزه لها قدرتها على ان تظل معلقة فى السنار لمدة طويلة و انصح دائما باستخدمها .
و لتحضير هذة العجينة تصنع اى عجينة من الطرق السابقة و لكن يضاف الى الدقيق قطن
و يكون 100 جرام قطن لكل كوب دقيق
ملحوظه :
البعض يستبدل الدقيق ب بواقي الخبز و يضاف اليها الماء أوأيا من الاضافات السابقه ولو انها بالتأكيد لن تكون بنفس الجوده لكنى شخصيا اصنعها لتزفير المكان لتكلفتها الضعيفه و استخدم العجين بالطحين لعملية الصيد
اخوكم محمد ( الصياد الاسكندراني )
طريقة عجينة بالسمك بالفيديو
حمدى عبد اللطيف
طريقة عمل عجينة باستخدام السردين والتونة
المقادير : كيلو دقيق + علبة سردين منتهي الصلاحية + علبة تونة منتهية الصلاحية ( وذلك لخفض التكلفة فقط )
العجينة تنفع لصيد جميع الأسماك من على الشواطيء سواء كانت وعر أو بلوكات وخصوصا البورى والبطاطا وأيضا للصيد فى المزارع والسلاح المستخدم إما 10 كفته أو شلاط مقاس 18 ولو هاتشتغل على البورى يبقى زود الميه شويه عشان تبقى طريه الى حد ما وبدل التونه والسردبن المنتهى الصلاحية هات صالحة للإستخدام
