شواطيء الموت في الأسكندرية
هل يوجد شواطيء الموت في الأسكندرية ام ان الحديث هو مجرد خيال ولكن للأسف الحديث ليس خيال فهناك عدة شواطيء خطرة جدا ولكن ما يجعل الأمر مختلط على العامة هو ان هذه الشواطيء تتكدس بالمصطافين مما يجعل لو كانت نسبة الغرق 2% تكون نسبة ظاهرة بالنسبة لعدد السابحين مما يجعل الناس تطلق عليها شواطيء الموت ولكن بالتحليل العلمي هناك بالفعل شواطيء الموت وسنرتبها كالتالي :
اعلانات مدفوعة اعلانات مدفوعة
اعلانات مدفوعة اعلانات مدفوعة
1 - شاطيء ابو هيف
لقى اليوم السبت طالبان مصرعهما غرقا بالإسكندرية أثناء نزولهما للاستحمام فجرفتهما مياه البحر ليلقى مصرعهما، أخطرت النيابة العامة وكلفت قوات الإنقاذ النهري انتشال الجثتين من قاع البحر .
تلقى مأمو قسم شرطة المنتزة بلاغا بوجود غريقين بشاطئ أبوهيف وبالانتقال تبين أثناء قيام كل من أحمد عبد الله 19 سنة طالب وصديقه محمد السيد 19 سنة طالب بالاستحمام بمياه البحر بشاطئ أبو هيف جرفهما التيار وغرقا معا.
تمكنت قوات الانقاذ النهري بانتشال الجثتين من مياه البحر، وتولت النيابة العامة التحقيقات.
نعم شاطيء ابو هيف من اخطر الشواطيء في السباحة لأن المنطقة الممتدة على طول الشاطيء هي ابيار وصخور مدببة جارحة وخاصة مع التيارات وتلاطم الأمواج وهي المنطقة المحاطة بجزيرة دهب وهي منطقة يطلق عليها العامة من اهالي الشاطيء بئر الموت لن كل من يغرق في شاطيء ميامي تظهر جثته بعد يموين تقريبا وعلى حسب قوة التيارات في هذه المنطقة والسبب في ذلك يرجع الى سببين .
السبب الأول : ان منطقة جزيرة دهب وما يجاورها من مناطق صخرية هي عبارة عن دوامة كبيرة مفتعلة بحكم اصطدام التيارات بالجزيرة الصخرية التي تمنع قوة التيارات وتجعلها تدور في حركة دائرية وخاصة مع ارتفاع الأمواج وهو من اخطر اماكن التيارات البحرية .
السبب الثاني : الصخور المدببة المتكدسة على بعد 15 متر تقريبا وهي ما ان ينزل الشخص وخاصة مع عدم وجود الخبرة الكافية ووجود بعض التيارات يؤدي الى ارتطام الشخص بتلك الصخور حتى يغمى عليه من شدة التيارات التي تلقيك الى قاع الصخور الجارحة لا قدر الله .
2 - شاطيء المعمورة
وهو من اخطر الشواطيء في التيارات البحرية وذلك يرجع الى سببين
السبب الأول : رشيد بالنظر الى الخريطة نجد ان شاطيء المهمورة هو اول ملتقى للتيارات البحرية القادمة من رشيد بعد شاطيء ابوقير الى ان المعمورة يلتقي بشدة مع التيار البحري القادم من رشيد وخاصة في اتجاه الرياح الشمالية الشرقية مما يبب السحب والدوامات بالأضافة الى ان رمال شاطيء المعمورة هي رمال خشنة متحركة مما يعطي الفرصة للتيارات البحرية بحفر الحفر العميقة التي تسبب الدوامات الخفيفة التي نعايتعا دوامات قاتلة .
السبب الثاني : هو وجود جزيرة المنتزة بالقرب من الشاطيء مما يعيد نفس العملية المذكورة في شاطيء ابو هيف .
3 - شاطيء فينيسيا
شاطيء فينيسيا المغري في المنتزة هو مكان خطر للسباحة لأن وجود الفنار وهو الجسر الذي يتخلله قبة يعطي فرصة للتيارات البحرية بالمرور وسحب السابحين وخاصة بالسباحة المقابلة للبحر المفنتوح من جهة جسر الفنار.
4 - شاطيء النخيل
يعتبر شاطيء النخيل برغم وجود الصلبان البحرية الا ان كثيرا من الناس يعتبروه مقبرة على الأرض تبتلع البشر ويعتقدون ان الصلبان بها حفر ميقة تبتلع المصطافين من الناس وهذا حوار مسجل من مجموعة من الغطاسين منقول من مواقع التواصل الأجتماعي :
ده عبدالرحمن درغام صحبي، في 3 هندسة مساحة، يوم الاتنين الي فات خلصنا امتحانات وسلمنا على بعض ومشينا، عرفت تاني يوم انه نزل البحر شاطيء النخيل هو واتنين صحابه، جات موجه عاليه غرقتهم وكان واقف عامل الانقاذ بتاع الشاطيء بيتفرج عليهم وهما بيصرخوا وبيغرقوا، بعد غلب في اتنين نزلوا جابوا صحاب عبدالرحمن ومعرفوش ينقذوا عبدالرحمن، المهم عبدالرحمن كده الله يرحمه توفى خلاص، من وقتها بقى لحد وعبد الرحمن جوه في البحر.
صحابي حكولي عن ان اهله على الشط لحد دلوقت مستنينه يطلع ووالدته بتصرخ وبتقول اطلع يا عبدالرحمن اطلع يا قلب امك، كل ده كوم وشهادة عبدالوهاب صاحبه الي كان معاه في البحر كوم تاني انا هنقلها هنا بظبط زي مهي.
احنا كنا في الشاليه بتاع واحد صاحبنا في العجمي في اكتوبر بعد كده نزلنا شاطيئ النخيل *الماية بالظبط كانت واصله للبطن بس من اول الرمل بره لحد الصخر الحاجز جواة والموج كان عالي شويه بس المايه مكنتش عاليه بعد كده في لحظه واحدة الموج علي جامد وبدا يسحبنا واحنا مكناش واخدين بالنا اننا بنتحرك من مكانا وسحب عبدالرحمن بعد كده سحب يوسف وسحبني كل الي فاكره في اللحظه دي ان احنا التلاته بنغرق والناس قالوا ان العمق ده اكتر من 3 متر عبدالرحمن كان بيصرخ عشان حد ينقذه واحنا التلاته مابنعرفش نعوم كنا بعيد عن الصخر شويه وانا بغرق شوفت بتاع الانقاذ علي السلم بتاع المراقبه واقف بيتفرج علينا ومحدش رضي يدخلنا في الوقت ده انا اتشاهدت علي نفسي واغمي عليا بعد كدة فوقت في المستشفي ويوسف جمي مغمي عليه
** الناس البقر بقا بتاعه الانقاذ النهري والترع الي الحكومه حطاهم علي الشاطيئ عشان ينقذوا الحيوانات الي هما احنا محدش فيهم رضي ينزل المايه ومارضيوش ينزلوا اللنش يجيبنا عشان خايفين انه يتقلب ف عملوا حجه ان المفتاح ضايع ووصل بيهم الجبن وقلة الانسانية والقيمه ان صحابنا فضلوا يعيطوا و يتحايلوا عليهم ينزلوا وبرضه محدش نزل
منزلوش غير لما الستات الي علي الشط فضلوا يشتموا فيهم وكانوا هايضربوهم
كان عدي بالظبط تلت ساعه او نص ساعه في الماية بنغرق قدام عنيهم وهما بيتفرجوا علينا
بعد كده جه واحد قلبه جامد فيهم نزلنا بعوامة صغيرة معرفش يطلعنا بيها بس طلع يوسف علي الصخر في الوقت ده عبدالرحمن كان لسه بيعافر مع الماية وموجود بعد كده لقوني وطلعوني في اللنش بتاع الشاطيئ التاني الي جه بعد نص ساعه واكتر وكان خلاص الوقت خلص وعبدالرحمن اختفي
من وقتها وعبدالرحمن مطلعش لسه وفي احتمال بنسبه 90% انه بين الصخور
الغواصين بقا الي بينزلوا من يوم التلات لحد انهارده محدش فيهم معاه انبوبه اكسجين كلهم بينزلوا بماسكات ومحدش بيدور تحت الصخور والفراغات الي فيها عشان للاسف اهل عبدالرحمن ناس غلابة ومش من المسؤولين عشان كده الحكومه مش عاوزه تعمل اي اجراء ولا الجيش الي هو جمب الشاطيئ ب كام كيلو عاوز يعمل حاجه
هو ده الموضوع كله انا اسف البوست ده طويل بس دي حكايه عبدالرحمن من يوم غرقه، الي يقدر يساعد يا جماعة يساعد، الناس واهله وصحابه عملوا فوق طاقتهم بمراحل بس مفيش مش قادرين عبدالرحمن مش ابن ظابط ولا قاضي ولا رجل ااعمال عشان يقلبوا الدنيا عشانه، لو البلد دي بتموت عيالها على الاقل نعرف ندفنهم ! حرام اقسم بالله عبدالرحمن وغيره ما يستاهلوا كده نهائياً.
كتير شوفنا عظام بشريه هناك حول الحواجز كلها ايام ما كنا بغوص هناك وكنا عاملين فريق بحث بس كان الكل يقف كالحائل بيننا وبين ذلك العمل الانسانى
ردحذفالمشكله تكمن فى سباحه المصيفين عند حدود الحواجز فلا يعلم فاى اتجاة ياتى الريح وما هى رد فعل الحواجز
طبعآ هناك مواقف تقطع القلب لو حكيتها من اهالى الغرقى
بس اللى كنت بقدر عليه لو لقيت جثه ادامى بطلعها لقيت عضم بحاول ادفنه مكانه حتى لا يتأذى اهله عليهبعد فقدانه
رحم الله غرقى البحر جميعآ
الله يرحمهم ويرحمنا جميعا ولكن البحر له احترامه والهيبة والخوف منه لكي يحترمك
حذف