خبرات صيادين الماء العذب في صيد سمك البياض
بسم الله الرحمن الرحيم
@@@@@@@@@@@
يلا بينا ندردش سوا ونقول كلمتين للاعضاءاللى بيحبوا الصيد بالليل ولا مانع من مشاركتكم بأى معلومه ودة بمناسبه ان
احد الاصدقاء قام بصيد سمكه بياض من ترعه العكره يلا بينا وعلى فكره ترعه النصريه ملجأ طبيعى للبياض والقرقير
إعلاناتإعلانات
إعلاناتإعلانات
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
من خلال تجاربىالشخصيه مع كامل احترامى لرأى اى زميل او استاذ لى الصيد بالليل له متعه خاصه سيبك من كلام الناموس والزواحف والعفاريت والشيح البابونى والخرابيط دة اللى بيصطاد بينسا الكلام دة ويركز في الصيد ولا نقلل مما جاء زكره سلفا ونرجع تانى لمرجوعنا عن الصيد بالليل احسن مكان للصيد هو اللى بعيد عن الرجل المكان الهادى وزفر وضبط نفسك وهناخد معانا دود و عجينه متزفره كويسه وكمان العود والماكينه معاك متنسهمش ونسننتر نفسنا جانب اى كوبرى او دور كويس ونصطاد بلطى كالمعتاد والمتعارف عليه ممكن وحضرتك قاعد تلاقى سمك صغير عمال ينط في الهوا او تسمع صوت بقبقه هواء وانت قاعد كدة يا معلم يبقا في سمك بياض تحت منك وخد بالك انا بتكلم عن سمك البياض اللى يشبه القرموط لكن طبعا هناك فرق شاسع بيت الاتنين طبعا القرموط احنا عرفينه وحفظين شكله اما البياض هندى نبزة عنه هو بيعيش في قيعان الانهار وبيتعزى على الاسماك الحيه او العجينه او الدود الاحمر ولونه فاتح كتير عن القرموط نرجع بقا ونقول لما تلاقى السمك بينط او تسمع الصوت بتاع الفققيع دى سيادتك لو معاك دود هترمى بيه بالماكينه بدون فله يعنى على القاع وتعلق كام دودة من الاطراف والباقى يكون مدلدل من السلاح ولازم يكون الدود صاحى ويكون احسن لو كان جانبك علبه صغيره تحط فيها اى سمكه صغيره تطعم بيها وبرضك تكون صاحيه بالطريقه المعتادة وممكن بالعجينه بس تكون زفره ( عجينه عيش ) وسمى بسم الله وارمى ووامن وزى مقلنا قى مقالات سابقه مع السمك الكبير لازم تأمن على البوصه بدل متتخطف منك وتروح قدام عينك و انشاء الله يكرمك ربنا بحته او اتنين وانا حبيت اتكلم عن السمك دةلانها سمكه ليليه بتركن في النهار وتشتغل بالليل مش بتاعه صيد نهار لكن اوقات بتكون جعانه اوى فبتاكل بالنهار ودى بتكون صدف فلاعضاءاللى بيصطادو بالليل بستفادو من الوقت وربنا الكريم انشاء الله يكون المقال مفيد وياريت اىمعلومه عند اى من الاعضاء ميبخلش بيها علينا ويموت المعلم ولا يتعلم اقل المعلومات ليها وقتها وقيمتها تحياتى للجميع مع خالص امنياتى بالرزق الوفير والاستمتاع من السمكه المجنون هدة
اخوكم
م/ مقبل
منقول من جروب محبي الصيد بالأسكندرية
بسم الله الرحمن الرحيم
$$$$$$$$$$$$$$$$$$$$$$$$$$$$$$$$$$
السلام عليكم ياشباب وانشاء الله باكرجمعه مباركه على الجميع
النهاردةهنتكلم على نوع هام من اهم انواع الاسماك النيليه واصعبهاوامتعهاعلى الاطلاق لماهومعروف عن صفتها اللى هنقولها فيما بعد وهى
سمكه قشرالبياض ( الساموس )
************************
تعتبرسمكه قشرالبياض الملكه المتوجه على اسماك النيل وهى موجودة فى الترع اللى ميتها كتير – سمكه قويه جدا بتصل لأحجام كبيره تتعدى 100 كيلوواكثربس طبعا دة فى بحيره ناصراللى بيوصل لحدعندنا هو بالاكثر 7 او 10 كيلوالمهم السمكه دة تعتبرسمكه مهاجمه وشرسه بتخش على السمك المجروح اوالتعبان بتخش على الطعم الحىي يعنى سمكه حيه وتدككها فى السلاح بتعيش فى الحتت العميقه من الميه وتقدرتقاوم التيارات /موجودعلى جانبى الرأس صدفتين عظم عاملين زى الموس وتقريبا قريبه الشبه من البلطى مع اختلاف الحجم والطعم طبعا واختلاق الزعنفه الظهريه منقسمه لقسمين زى مموجود فى الصوره يلا بينا نقول ازاى نصطادها
اولاسيدتك تعمل حسابك تكون طالع لصيدالبلطى ومعاك بوصه ماكنه علشان ميضعش منك اليوم اونطه ودة هيفيدك بأن الاسماك اللى بتكون صغيره هتستخدمها لصيد قشر البياض واهم حاجه تحافظ عليه حى
وسمكه البلطى الكبيراشحنه على الايس بوكس وعلى فكره مش شرط البلطى اى سمك نيلى حى يرجع مرجعنا لازم شعرالماكينه يكون مش اقل من60 وشعرالترميل مش اقل من 30 والسلاح 3او 2 بتيجى سيدتك تدورعلى المكان اللى ميته عاليه وتبتدى تدكك السمكه الحيه اللى حضرتك محضرها فى السلاح حسب طريقه سيدتك وسمى وانت بترمى وحطها جنبك بس مأمن عليها لانها ممكن تتخطف منك المهم لوضربت عليك خد بقا بالك اوى من اللى جاى السمكه دة عافيه اوى يعنى مينفعش تشكم وتشد السمكه هتفرقع الشعر منك وتضيع عليك انما بتشكم و تفتحلها القلاب خليها تأخد الشعرعلشان تتعب منك وتبتدى تلم كل لما تلاقى سحبها للشعر قلت فى السرعه يعنى تسيب وتلم لحدما السمكه تتعب خالص ويبقا مفيهاش قوة سحب ساعتها لمو استقبل الوحش اللى انت مطلعة وعلى فكره احسن وقت لصيدها بعد المغرب لحدالفجر
اماكن الصيد
ترعه اسكندريه نواحى ابيس / ترعة راكتا / الشعيره /بوليين بس اهم حاجه تكون الميه مفتوحه يعنى مستواة الميه عالى
اتمنى اكون افدت بشئ بسيط وعلى لقاء بسمكه اخر
اخوكم م /مقبل
0 التعليقات: